14 jastaǵy otandasymyz tennısshi Ańsar Nıetqalıev Eýropalyq tennıs qaýymdastyǵynyń «Jyldyń úzdik shetel oıynshysy» (EO elderinen tys) marapatyna ıe boldy, dep habarlaıdy Egemen.kz.
Ańsar Eýropa odaǵyna kirmeıtin elder arasynan ozyp shyqty. Bıyl joǵary nátıjelerge qol jetkizgen Nıetqalıev TE reıtıngisinde jyldy 41-orynmen aıaqtady.
Osy maýsymda Qazaqstan tennısshisi jekeleı synda Soul Cup ((Istanbul, Türkiye, ekinshi sanat), Ankara Cup (Ankara, Türkiye) jáne Ergan Cup (Erzincan, Türkiye, ekeýi de úshinshi sanat) týrnırlerinde jeńimpaz atandy. Oǵan qosa juptyq synda eki ret Soul Cup (Istanbul) jarysynda tıtýldy jeńip aldy. Sondaı-aq jekeleı synda taǵy eki TE dodasynda fınalǵa deıin jetti.
Astana tennıs mektebiniń túlegi Ańsar Nıetqalıevtiń jeke bapkeri – Muhamadamın Ermatov. Budan buryn osy atalym boıynsha 2021 jyly Zara Dárken, 2022 jyly Zańǵar Nurlanuly, 2023 jyly Eva Korysheva men Danıel Tazabekov marapattalǵan edi.