Premer-mınıstr Oljas Bektenov Úkimet janyndaǵy Quqyq buzýshylyqtyń aldyn alý jónindegi vedomstvoaralyq komıssııa otyrysy sheńberinde kún tártibinen tys Premer-mınıstrdiń orynbasary Qanat Bozymbaevtyń Aqtaý qalasy mańyndaǵy ushaq apaty ornyndaǵy Úkimettik komıssııanyń jumysy týraly esebi tyńdaldy.
Qutqarý qyzmeti izdeý jumystaryn aıaqtady. Ushaq apaty saldarynan 29 adam aýrýhanaǵa jatqyzyldy, 38 adam qaza tapty. Pasıentter túrli jaraqattarmen, negizinen kóptegen jaraqatpen túsken. Jaǵdaı turaqtanǵannan keıin olar profılder boıynsha aýrýhanaǵa jatqyzyldy, tolyq kólemde em alýda. Sondaı-aq sanıtarlyq avıasııa jelisi arqyly Astanadan Ulttyq shuǵyl medısına ortalyǵy men jetekshi respýblıkalyq ortalyqtardyń joǵary bilikti mamandary keldi. Otandyq mamandardan bólek RF TJM arnaıy keńesi men Ázerbaıjan Respýblıkasynyń sanıtarlyq avıasııa brıgadasy da keldi. Zardap shekkender men qaza tapqandardyń týystary keledi, olarǵa oblys ákimdigi transfert, ornalastyrý jáne tamaqtaný boıynsha qajetti kómek kórsetedi. Psıhologter toby jumys istep jatyr.
О́z kezeginde Kólik mınıstrligi Ázerbaıjan Respýblıkasy Úkimetimen birlesip jumys isteıdi. Erteń Brazılııanyń avıasııalyq bıligi men Embraer 190 kompanııasy keledi dep kútilýde. Túpqaraǵan aýdanynda jergilikti tehnogendik sıpattaǵy tótenshe jaǵdaı rejimi jarııalandy.
Prezıdent Qasym-Jomart Toqaevtyń tapsyrmasy boıynsha zardap shekkenderge tolyq kólemde medısınalyq kómek kórsetilip qaza tapqandardyń týystary men jaqyndaryna qajetti qoldaý sharalary kórsetilip jatyr. Qazirgi ýaqytta jedel jeli jumys istep tur, oǵan myńnan astam qońyraý tústi.
«Birinshi kezekte qaza tapqandardyń týystary men jaqyndaryna kóńil aıtamyn. Qazaqstan Úkimeti men ýákiletti organdar zardap shekkenderge jáne qaıtys bolǵandardyń týystaryna barlyq qajetti kómekti kórsetýde», dep atap ótti O.Bektenov.
Sonymen qatar Premer-mınıstr avıasııalyq qaýipsizdikti kúsheıtý jóninde birqatar tapsyrma berdi.
«Bul qaıǵyly jaǵdaı, bizge de ushý qaýipsizdigi boıynsha tıisti sharalardy qabyldaý kerektigin bildiredi. Birinshi kezekte jospardan tys tekserý júrgizý, áýejaılardyń, áýe kemeleriniń tehnıkalyq jaǵdaıyn erekshe baqylaýǵa alý qajet. О́tkizilip otyrǵan is-sharalardyń sheńberinde otandyq avıakompanııalar ekıpajdardyń biliktiligin, ruqsatnamalaryn, quzyretin qaıta tekserý kerek. Sondaı-aq áýe oqıǵalaryna jedel den qoıý maqsatynda apattyq-qutqarý jumystaryn jetildirý jáne múddeli memlekettik organdardyń úılesimdi jumysyn qamtamasyz etý qajet.Oryn alǵan jaǵdaıdan osyndaı oqıǵalardy aldaǵy ýaqytta boldyrmaý úshin naqty usynystardy ázirleı otyryp durys qorytyndy shyǵarý qajet», dep atap ótti Premer-mınıstr.