Ulttyq qaýipsizdik komıteti men Shekara qyzmetiniń departamentteri Mańǵystaý oblysynyń prokýratýrasymen kelise otyryp, halyqaralyq esirtki jetkizý arnasynyń jolyn kesti, dep habarlaıdy Egemen.kz.
«Esirtki satý kezinde ustalyp, sottyń sanksııasymen úsh qazaqstandyq qamaýǵa alyndy. Zańsyz aınalymnan 600-den astam metadon tabletkasy men 300 gramm apıyn tárkilendi», delingen habarlamada.
Buǵan deıin, bıylǵy jyldyń qarashasynda UQKD-nyń kúshimen Mańǵystaý oblysy prokýratýrasynyń úılestirýimen ońtústik óńirlerden 300 kg-dan astam kannabıs tobynyń esirtkileri tárkilengen ishki esirtki jetkizý arnasy joıyldy.
Joǵaryda atalǵan faktilerge qatysty Qylmystyq kodekstiń 297-babynyń 3-bóliginde kózdelgen qylmys belgileri boıynsha sotqa deıingi tergep-tekserý júrgizilip jatyr.
Qylmystyq-prosestik kodekstiń 201-babynyń 1-bóligine sáıkes ózge aqparat jarııa etýge jatpaıdy.