Ony Ústirt memlekettik tabıǵı qoryǵynyń ǵylymı qyzmetkeri A.Pýlatov túsirgen, dep habarlaıdy Egemen.kz.
Qazaqstannyń shekteýli aýmaǵynda ǵana kezdesetin sırek jyrtqysh – ıtaıý (Mellivora capensis) Ońtústik jáne Ońtústik-Batys Ústirtte tereń shatqaldardy, karstyq qýystardy, saılardy, ósimdikteri túrli ýchaskelerdi, sonyń ishinde sekseýil, baıalysh, qaraǵan ósken jerlerdi mekendeıdi.
QR ETRM Orman sharýashylyǵy jáne janýarlar dúnıesi komıtetiniń resmı paraqshasy málimetinshe negizinen ymyrt pen túnde belsendi, biraq qysta kúndiz de baıqalýy múmkin ıtaıý – jylyna bir ret kóbeıedi, al sýyq kúnderde qysqa merzimdi uıqyǵa ketedi. Qoryq qyzmetkerleriniń jumysy nátıjesinde ıtaıý sııaqty sırek kezdesetin janýarlar týraly jańa derekter anyqtalyp jatyr. Bul Ústirt qoryǵynyń bıoalýantúrlilikti saqtaý isindegi mańyzdylyǵyn kórsetedi.