Mańǵystaý oblystyq Tótenshe jaǵdaılar departamentiniń 10 qutqarýshysyna Aqtaý qalasyndaǵy ushaq apatynyń saldaryn joıý kezinde kórsetken kásibıligi, batyldyǵy men janqııarlyǵy úshin memlekettik nagradalar tabys etildi, dep jazady Egemen.kz.
Prezıdent Qasym-Jomart Toqaevtyń Jarlyǵyna sáıkes Mańǵystaý oblysynyń ákimi Nurdáýlet Qılybaı operasııaǵa qatysýshylarǵa nagradalardy tabys etti. Máselen órt sóndirý qyzmetiniń jáne mamandandyrylǵan órt sóndirý bóliminiń úsh ókili:
Baıtóre Oljas Serikbaıuly — № 12 órt sóndirý bóliminiń órt sóndirýshisi-qutqarýshysy,
Ońǵar Seribolat Aıtmuhanbetuly — № 12 órt sóndirý bóliminiń bólimshe komandıri,
Sárkenov Márlen Begendikuly — № 1 mamandandyrylǵan órt sóndirý bóliminiń aǵa órt sóndirýshi-qutqarýshysy Rahymjan Qoshqarbaev atyndaǵy III dárejeli «Aıbyn» ordenimen marapattaldy.
Allabergenov Qojabek Saparuly — «Apattar medısınasy ortalyǵy» MM Mańǵystaý oblysy boıynsha fılıalynyń kólik júrgizýshisi-sanıtary,
Baǵytov Manas Mashryquly — Jedel qutqarý jasaǵynyń qutqarýshysy,
Estemes Álisher Nurjanuly — «Qazavıaqutqarý» AQ áýe kemesiniń ekinshi pıloty,
Qudabaev Ashat Qudaıbergenuly – «Qazavıaqutqarý» AQ áýe kemesiniń komandıri,
Qubaıdýllaev Zamanbek Muratuly — Apattar medısınasy ortalyǵy fılıalynyń feldsheri,
Orazbekov Ospan Jalǵasynuly — Apattar medısınasy ortalyǵy fılıalynyń dárigeri «Erligi úshin» medalimen marapattaldy.
Apattar medısınasy ortalyǵy fılıalynyń psıhology Esen Jan Baıkenqyzy «Eren eńbegi úshin medalimen marapattaldy.
Sonymen qatar órt sóndirý bólimderi men medısınalyq mekemelerdiń qyzmetkerleri Qazaqstan Respýblıkasy Prezıdentiniń alǵys hattaryn aldy.