Eńbek jáne halyqty áleýmettik qorǵaý mınıstrligi 2025 jyly azamattyq qyzmetshilerdiń jekelegen sanattarynyń jalaqysy 20 paıyzǵa artatynyn habarlady, dep jazady Egemen.kz.
Prezıdent Qasym-Jomart Toqaev 2021 jylǵy 1 qyrkúıektegi «Halyq birligi jáne júıeli reformalar - el órkendeýiniń berik negizi» atty Joldaýynda azamattyq qyzmetshilerdiń jekelegen sanattaryna tıesili jalaqyny kezeń-kezeńimen 20 paıyzǵa arttyrýdy tapsyrǵan edi.
Soǵan saı bıyl býhgalter, ekonomıst, zańger, muraǵatshy, kitaphanashy, murajaıtanýshylar, ormanshylar, tehnıkalyq personal jáne taǵy basqa mamandyqtar boıynsha jumys isteıtin 600 myńǵa jýyq azamattyq qyzmetshiniń aılyǵy artady.
«Osylaısha, 2022-2025 jyldar aralyǵynda azamattyq qyzmetshilerdiń jekelegen sanattarynyń jalaqysy 2 ese ulǵaıady», delingen Eńbek jáne halyqty áleýmettik qorǵaý mınıstrliginiń habarlamasynda.