Atalǵan faktini «Tabıǵatty qorǵaý» polısııasynyń qyzmetkerleri Lepsi ózeni boıynda júrgizgen reıd barysynda anyqtaǵan, dep habarlaıdy Egemen.kz.
Tyıym salynǵan balyq aýlaý quraldaryn paıdalanyp brakonerlikpen aınalysqan Taldyqorǵan qalasynyń 33 jastaǵy turǵyny ustalyp, buzýshydan uzyndyǵy 100 metr jáne eni 5 metr 8 balyq aýlaýǵa arnalǵan tor, 16 temir tor, sondaı-aq qaıyq jáne 100 keliden astam balyq tabylǵan.
Polisia.kz-tiń aqparatynsha tabıǵatqa keltirilgen zalal aldyn ala esepteýler boıynsha shamamen 777 myń teńgeni qurap otyr.
Tabıǵatty qorǵaý qyzmetteri ókilderiniń aıtýynsha, brakonerlik ekojúıege eleýli zııan keltiretindikten, onymen aınalysýshylarǵa 3 jylǵa deıin bas bostandyǵynan aıyrý jaýapkershiligi qarastyrylady.