«Álem halyqtarynyń ertegileri» atty antologııa 1961 jyly Nıý-Iorktegi Putnam’s Sons baspasynan aǵylshyn tilinde jaryq kórgen. Bul antologııaǵa qazaq ertegisi retinde «Aldar kóseniń sıqyrly tony» engen.
Atalǵan kitaptaǵy ertegilerdi Vladıslav Stanovskıı men Jen Vladılav qurastyrǵan, al Jean Layton esimdi amerıkalyq aýdarmashy aǵylshyn tiline tárjimelegen. Antologııa Djordj Vashıńton ýnıversıtetiniń Gelman atty basty kitaphanasynda saqtaýly tur.
Kitapqa segizinshi ertegi retinde engen «Aldar kóseniń sıqyrly tonymen» birge kelesi betine osy erteginiń ózbek halqyna tıesili taǵy bir nusqasy berilgen. Avtorlar atalǵan erteginiń Ortalyq Azııadaǵy túrki halyqtary arasynda keń taralǵanyn eskerip, oqyrmandardyń salystyryp oqýyna múmkindik týǵyzyp, arnaýly túrde qatar kiristirgeni de kóńilge qonymdy. Qalaı desek te, osydan 63 jyl buryn «Aldar kóse» ertegisiniń Amerıkaǵa barýy biz úshin qýanarlyq jaǵdaı ekeni ras.