Jeke úıler men jyljymaıtyn múlik ıelerine tabıǵı gazǵa qosylýdy jeńildetý maqsatynda «eGov Mobile» qosymshasynda jańa múmkindik iske qosyldy. Endi azamattar gazǵa qosylý úshin qajetti tehnıkalyq sharttardy úıden shyqpaı-aq onlaın ala alady.
Qyzmet «QazaqGaz Aimaq» AQ tutynýshylary úshin qoljetimdi jáne jeke tulǵalarǵa tegin usynylady. Tehnıkalyq sharttar obektini gaz taratý júıesine qosý múmkindigin rastaıtyn resmı qujat sanalady.
Qyzmetti múlik ıesi paıdalana alady. Ol úshin «eGov Mobile» qosymshasynda kórsetilgen barlyq mindetti óristerdi toltyryp, múlikke tirkelgen quqyqtardy rastaýy qajet. Qyzmetti alý úshin paıdalanýshy qosymshada avtorızasııadan ótip, «Qyzmetter» bóliminde «Jyljymaıtyn múlik jáne TKSh» sanatynan «Gaz taratý jelilerine qosylýǵa tehnıkalyq sharttar berý» batyrmasyn basýy qajet. Keıin gazben jabdyqtaý obektisiniń túrin, múlikti tańdap, obektiniń tehnıkalyq pasportyn tirkeıdi. Sonymen qatar tehnıkalyq sharttyń túrin, qosylý sebebin, gaz shyǵynyn kórsetip, gaz jabdyǵynyń túri men sanyn tańdaý kerek. Sońynda ótinimge» Face ID» nemese «Touch ID» arqyly qol qoıylady.
О́tinim durys toltyrylsa, qyzmet kórsetý nátıjesinde tehnıkalyq sharttar beriledi nemese bas tartý týraly sheshim shyǵarylady. Bas tartý sebebi retteletin qyzmetti usyný úshin qajetti qýattar men ótkizý múmkindikteriniń bolmaýynan týyndaýy múmkin. Tehnıkalyq sharttardy berý merzimi nysannyń kúrdeliligine baılanysty bolady. Kúrdeli emes nysandar úshin 5 jumys kúnin, al kúrdeli nysandar úshin 10 jumys kúnine sozylady.