Qaıǵyly oqıǵa 8 qańtarda Pavlodar-Semeı tas jolynda boldy, dep habarlaıdy Egemen.kz.
Jol-kólik oqıǵasyna qatysty qylmystyq is qozǵaldy.
«8 qańtarda saǵat 21:00-de Pavlodar-Semeı tas jolynda Aqqýly aýdanyndaǵy Tilektes aýylynyń mańynda Kia Sportage júrgizýshisi qar tazalaıtyn kólikti basyp ozý kezinde qarsy kele jatqan qozǵalys jolaǵyna shyǵyp ketip, KamAZ júk kóligimen betpe-bet soqtyǵysqan. Apat saldarynan Kia kóliginiń júrgizýshisi men eki jolaýshysy oqıǵa ornynda kóz jumdy. Kia kóliginiń taǵy bir jolaýshysy aýyr jaraqatpen aýrýhanaǵa jetkizildi», dep habarlady Pavlodar oblystyq polısııa departamentiniń baspasóz qyzmeti.
Polısııa departamenti mundaı keleńsiz jaǵdaılardyń aldyn alý úshin jol qozǵalysyna qatysýshylardyń, ásirese kólik kóp júretin jerlerde jyldamdyqty saqtaýdy, kóliktiń tehnıkalyq jaǵdaıyn qadaǵalaý mańyzdy ekenin eske salady.