Aqmola oblysynda táýlik boıy baılanysqa shyqpaǵan balyqshylar qutqaryldy, dep habarlaıdy Egemen.kz.
Oblystyq Tótenshe jaǵdaılar departamentiniń baspasóz qyzmetiniń habarlaýynsha, 8 qańtarda Jaqsy aýdany Terisaqqan aýylynda tórt balyqshy balyq aýlaýǵa ketip, qaıta oralmaǵan. Olar 24 saǵat boıy baılanysqa shyqpaǵan.
«Izdestirý jumystaryn Tótenshe jaǵdaılar mınıstrligi, polısııa jáne jergilikti atqarýshy organdar júrgizdi. Qutqarý jumystaryna jaýǵan qar kedergi keltirdi. Arnaıy tehnıka, K700 traktory arqyly balyqshylarǵa jetip, joldy qardan tazartýǵa týra keldi», delingen habarlamada.
Belgili bolǵandaı, balyqshylar kóligi jartylaı muzǵa qulap ketken.
Esterińizge sala keteıik, buǵan deıin Qazaqstannyń tas joldarynda bıylǵy jyldyń alǵashqy kúnderinde 200-ge jýyq adam qar qursaýynan qutqarylǵan edi.