Qaıǵyly oqıǵa Qaraǵandy qalasyndaǵy turǵyn úılerdiń birinde bolǵan. Saldarynan 2 jáne 4 jastaǵy eki bala kóz jumdy, dep habarlaıdy Egemen.kz.
Anyqtalǵandaı, otqa oranǵan páterde turmystyq zattar janyp ketken. Tótenshe jaǵdaılar mınıstrligi jalpy aýmaǵy 50 sharshy metrdi quraıtyn órtti tolyqtaı oqshaýlaǵan.
Páterden 2020 jáne 2022 jyly týǵan eki balanyń máıiti tabylǵan. Qutqarýshylar kelgenge deıin 2017 jáne 2015 jyly týǵan eki bala ózdiginen shyǵyp, aýrýhanaǵa jetkizilgen. Sondaı-aq 1964 jyly týǵan áıel qutqarylǵan.
Aldyn ala málimet boıynsha, órttiń shyǵý sebebi – elektr symdarynyń qysqa tuıyqtalýy. Qaıǵyly oqıǵaǵa baılanysty qylmystyq is qozǵaldy.