El azamattary Astana men Almatyda jyljymaıtyn múlikpen baılanysty operasııalardy onlaın júrgize alady. Ádilet mınıstrligi notarıýstardyń satyp alý-satý mámilelerin onlaın tirkeý týraly buıryq jobasyn daıyndady, dep habarlaıdy Egemen.kz.
Jobaǵa sáıkes, azamattar jyljymaıtyn múlikti satyp alý-satý boıynsha notarıýstarǵa barmaı-aq, banktiń Astana jáne Almaty qalalarynda ornalasqan jyljymaıtyn múlikke arnalǵan platformasy arqyly onlaın notarıaldyq mámileni resimdeý múmkindigine ıe bolady.
Negizgi sharttar:
Mámile 18 ben 63 jas aralyǵyndaǵy Qazaqstan azamattaryna qoljetimdi; Barlyq menshik ıeleriniń, sonyń ishinde nekede turǵan jaǵdaıda erli-zaıyptylardyń qatysýy mindetti; Mámileler 70 mln teńgege deıingi qaıtalama turǵyn úı naryǵyna qatysty; Satýshy 2015 jyldan bastap elektrondy formatta menshik quqyǵyn rastaýy kerek; Alaıaqtyqtyń aldyn alý úshin jyljymaıtyn múliktiń biryńǵaı memlekettik kadastry arqyly múliktiń jaı-kúıin tekserý júrgiziledi.Joba Ashyq NQA portalynda ornalastyrylǵan jáne 2025 jyldyń 23 qańtaryna deıin qoǵamdyq talqylaý úshin qoljetimdi.