Prezıdent: Jahandyq jylyný – Ortalyq Azııa úshin basty syn-qaterdiń biri

«Eýrazııa qurlyǵyndaǵy jetekshi tranzıttik torapqa aınalǵan bizdiń el úshin ornyqty damýdyń taǵy bir mańyzdy alǵysharty – kólik jáne tranzıt salasy. Biz kólik ınfraqurylymyna, atap aıtqanda, avtomobıl jáne temir joldarynyń, áýejaılar men teńiz aılaqtarynyń qurylysyna ınvestısııa salýdy belsendi túrde qolǵa aldyq. Baılanys múmkindikteriniń aıasyn odan ári keńeıtý úshin Qazaqstan Transkaspıı halyqaralyq kólik baǵyty men Soltústik – Ońtústik kólik dálizin damytýǵa, sondaı-aq «Bir beldeý, bir jol» bastamasynda eleýli ról atqarýǵa nıetti. Maqsatymyz – óńiraralyq qatynastardy nyǵaıtyp qana qoımaı, ornyqty ekonomıkalyq ósimdi qamtamasyz etetin turaqty jetkizý tizbegin qalyptastyrý», dedi Memleket basshysy.

Qasym-Jomart Toqaevtyń aıtýynsha, jahandyq jylyný – Ortalyq Azııa úshin basty syn-qaterdiń biri.

«Jylyný úderisiniń údeı túsýi ekojúıelerge, turmys-tirshilikke jáne azyq-túlik qaýipsizdigine qater tóndiredi. Sol sebepti tez arada klımatqa beıimdelý strategııasy qajet. Sondaı-aq bizdiń óńir transshekaralyq ózenderge táýeldi. Sondyqtan bizge erte eskertý júıesin quryp, sý jáne jer resýrstaryn basqarý isin jetildirý kerek. Bul rette sý únemdeý tehnologııalaryna ınvestısııa salyp, ırrıgasııa júıelerin jańǵyrtýǵa tıispiz. Sý resýrstaryn tıimdi basqarý kelisimderine qol jetkizip, jasandy ıntellekttiń, jerserik arqyly monıtorıngtiń jáne basqa da sıfrlyq quraldardyń kómegine júgingenimiz jón», dedi Qazaqstan Prezıdenti.