О́zbekstannyń alty azamaty Ystanbulda sapasyz ishimdik iship, ýlanyp qalǵan, dep habarlaıdy Egemen.kz Gazeta.uz saıtyna silteme jasap.
О́zbekstannyń Ystanbuldaǵy bas konsýldyǵy 14 qańtarda qaza tapqandardyń beseýi 35 pen 40 jas aralyǵyndaǵy er adamdar ekenin habarlady. 15 qańtarda taǵy bir áıeldiń qaıtys bolǵany belgili boldy.
Konsýldyń málimetinshe, ishimdik Aqsaraı óńirinen satyp alynǵan. Barlyǵy 38 adam zardap shekse, onyń 26-sy - ózge elderdiń azamattary. Oqıǵa saldarynan qaza tapqandar sany 11-ge jetken.
Polısııa aýqymdy tergeý amaldaryn júrgizip jatyr. Is aıasynda jalǵan ishimdik ónimin shyǵardy degen kúdikpen Túrikmenstannyń eki azamaty ustalǵan.