Shyǵys Qazaqstan oblysyndaǵy Rıdder qalasynda demalysta bolǵan Reseı áskerı-áýe akademııasynyń kýrsanty Áset Sákenov órt kezinde adam ómirin qutqaryp qaldy, dep habarlaıdy Egemen.kz.
Qańtar aıynyń basynda qaladaǵy kópqabatty úılerdiń biriniń besinshi qabatyndaǵy páterde órt bolǵan. Úıdiń balkonynan tútindi baıqaǵan Áset qutqarý qyzmetine qońyraý shalyp, ózi sol jerge júgire jóneldi.
Besinshi qabatqa kóterilgen ol órtenip jatqan páterdi taýyp, esikti ashty. Ishke tizerlep engen Áset bólmelerdiń birinen er adamnyń sulbasyn baıqady. Alǵashynda ol aýa jetispeı, kózi ashyǵandyqtan álgi adamǵa jete almaǵan. Syrtqa shyǵyp, kórshilerden qolsham alyp, qaıtadan janyp jatqan páterge kirdi. Sóıtip ol er adamdy syrtqa alyp shyqty.
О́z ómirin qaterge tikken erjúrek jigittiń kim ekeni eki kúnnen keıin belgilii boldy. Ol – Rıdder týmasy, professor N. E. Jýkovskıı jáne Iý. A. Gagarın atyndaǵy áskerı-áýe akademııasynyń besinshi kýrs kýrsanty (Voronej q.) Áset Sákenov bolyp shyqty.
Voronejge jol júrýdiń aldynda Shyǵys Qazaqstan oblysy qorǵanys isteri jónindegi departamenti bastyǵynyń orynbasary maıor Jasulan Sátbaldıev ony Alǵys hatpen marapattady. Al jergilikti ákimdik Ásettiń anasyna teledıdar, al batyrdyń ózine alǵys hat tabys etti.
«Áset – naǵyz qaharman. Ol esh oılanbastan óz ómirin qaterge tigip, jalyn ishinde qalǵan adamdy qutqaryp qalýǵa asyqty. Bul naǵyz erjúrektik pen adamgershiliktiń kórinisi», dep atap ótti J.Sátbaldıev.
Sondaı-aq departament ókili jarty jyldan keıin kýrsant leıtenant ataǵyn alatynyn atap ótti. Oqýdy aıaqtaǵannan keıin Áset Sákenov ushqyshsyz ushý keshenderin qoldaný jáne paıdalaný jónindegi maman retinde Qazaqstan armııasynda qyzmetin jalǵastyrady.