Astana ákimdiginiń bastamasymen Uly Jeńistiń 80 jyldyǵyna oraı ekinshi dúnıejúzilik soǵys ardagerlerine tólenetin tólemaqy mólsheri 2,5 esege ulǵaıdy, dep habarlaıdy Egemen.kz.
Qala ákimdiginiń habarlaýynsha, Astanada turatyn ardagerlerdiń árqaısysyna 5 mıllıon teńgeden beriledi. Aıta keteıik, qazir elordada 6 ardager turady.
«Budan basqa, jeńildikter boıynsha soǵys ardagerlerine teńestirilgender (ChAES qatysýshylary men múgedekterinen basqa) (soǵys kezeńinde qyzmet etken áskerı qyzmetshiler, fashıstik Germanııaǵa qarsy is-qımyldarǵa qatysqan adamdar, Lenıngrad qalasynda blokada kezeńinde jumys istegen azamattar, konslagerlerdiń kámeletke tolmaǵan tutqyndary, áskerı qyzmetshiler, jaralanýy saldarynan múgedektigi bar adamdarǵa, azamattyq nemese áskerı maqsattaǵy obektilerdegi radıasııalyq apattar, ıadrolyq synaqtar saldarynan múgedektigi belgilengen adamdarǵa, múgedektigi ata-anasynyń biriniń radıasııalyq sáýlelenýinen genetıkalyq jolmen berilgen) – 45 AEK (176 940 teńge) mólsherinde tólem alady. О́zge memleketterdiń aýmaǵyndaǵy áskerı qımyldardyń ardagerleri (Aýǵanstandaǵy áskerı qımyldardyń ardagerlerinen basqa) (tájik-aýǵan sektorynda, Iraktaǵy halyqaralyq bitimgershilik operasııasynda tapsyrmalardy oryndaǵan áskerı qyzmetshiler), Taýly Qarabaqtaǵy ultaralyq qaqtyǵysty retteýde) – 45 AEK (176 940 teńge)», delingen habarlamada.
«Ardagerler týraly» Qazaqstan Respýblıkasynyń Zańynda kózdelgen ózge de tulǵalarǵa (tyl eńbekkerleri, qaıtys bolǵan áskerı qyzmetshilerdiń otbasylary, qaıtys bolǵan soǵys ardageriniń jubaıy) – 15 AEK (58 980 teńge) mólsherinde beriledi.
Buǵan deıin Jeńistiń 80 jyldyǵyna oraı qaraǵandylyq ardagerlerdiń árqaısysyna 3 mıllıon teńgeden beriletini málim bolǵan edi.