Sıfrlyq damý mınıstrligi pasport pen jeke kýálikterdi termınal arqyly berýge arnalǵan pılottyq joba ázirledi, dep jazady Egemen.kz.
Bul qyzmet bıometrııalyq sáıkestendirý termınaly arqyly júzege asyrylady.
Pılottyq joba Respýblıkalyq mańyzy bar qalalar men Astanada, oblystardyń ákimshilik ortalyqtarynda, sondaı-aq Baıqońyr qalasynda bastalady.
«Qoldanystaǵy tártipke balama nusqa retinde «Azamattarǵa arnalǵan úkimet» memlekettik korporasııasy» kommersııalyq emes aksıonerlik qoǵamynyń front-ofısterinde bıometrııalyq sáıkestendirýdi paıdalana otyryp, qujattaý termınaly arqyly «Qazaqstan Respýblıkasynyń azamattaryna pasporttar, jeke kýálikter berý» memlekettik qyzmetin kórsetý 2025 jylǵy 1 qańtardan bastap 2025 jylǵy 31 jeltoqsanǵa deıin iske asyrylady», delingen Ashyq NQA portalynda jarııalanǵan buıryq jobasynda.