Polıseıler balalaryna alıment boıynsha bereshegi bar pavlodarlyqty ustady, dep habarlaıdy Egemen.kz.
Alıment tóleýden jaltarǵan 29 jastaǵy pavlodarlyqtyń qaryzy 4,5 mln teńgege jetken.
- Jubaıymen ajyrasqannan keıin 29 jastaǵy er adam bala tárbıesine aralaspaı, tórt jyl boıy balalaryna alıment tóleý týraly sot sheshimin elemegen. Nátıjesinde oǵan izdeý jarııalandy, al alıment boıynsha qaryzynyń somasy búginde 4,5 mln teńgege jetti. Polısııa qyzmetkerleri er adamdy ustap, qaryzdy óndirip alý týraly sot sheshimin odan ári oryndaý úshin ony jeke sot oryndaýshysyna tapsyrdy, - dep jazylǵan habarlamada.
Er adamǵa qatysty qylmystyq is qozǵaldy.
Aıta keteıik, 2024 jyly polısııa alıment tólemeıtin 300-ge jýyq adamdy anyqtady.
Tártip saqshylary alıment tóleýden jaltarý tek materıaldyq saldarǵa ákep soqpaıtynyn, sonymen birge qylmystyq qýdalaýǵa negiz bola alatynyn eske saldy.