Jelide astanalyq oq atý klýbtarynyń birinde jattyǵý kezinde 19 jastaǵy jigittiń kenetten ózine oq atqany týraly aqparat paıda boldy. Bul faktini elordalyq polısııa departamentiniń baspasóz qyzmeti rastady, dep habarlaıdy Egemen.kz.
«19 jastaǵy elorda turǵynynyń máıitin tabý faktisi boıynsha qylmystyq is qozǵaldy. Qazirgi ýaqytta oqıǵanyń barlyq mán-jaıyn obektıvti tekserýge baǵyttalǵan barlyq qajetti tergeý áreketteri júrgizilip jatyr», delingen habarlamada.
Buǵan deıin Almatyda 16 jastaǵy mektep oqýshysy óz-ózine qol jumsaǵan bolatyn. Aldyn ala málimet boıynsha, oqıǵa Medeý aýdanyndaǵy mektepterdiń birinde bolǵan.