QMA Túrkistan oblysynda jalǵan kepildikter rásimdeý arqyly 1,9 mıllıard teńge bıýdjet qarajatyn jymqyrǵan uıymdasqan qylmystyq toptyń áreketin toqtatty, dep habarlaıdy Egemen.kz vedomstvonyń baspasóz qyzmetine silteme jasap.
Anyqtalǵandaı, qylmystyq top «Sybaǵa» memlekettik baǵdarlamasy aıasynda iri qara mal satyp alýǵa baǵyttalǵan sýbsıdııalaýǵa bólingen jeńildetilgen kredıtter alýdyń alaıaqtyq shemasyn paıdalanǵan.Ol úshin Kentaý qalasynda «Iаssy-kredıt NS «Kredıttik seriktestigi» JShS qurylyp, is júzinde joq «Expert Consulting Group» JShS atynan jalǵan qujattar men múlikti baǵalaýlardyń jalǵan aktilerin jasaǵan.
«Memlekettik nesıe alý ótinimderin qaraý jónindegi komıssııanyń tóraǵasy bolyp qyzmet atqarǵan uıymdastyrýshy qylmystyq shemany ázirlep, qatysýshylardyń áreketterin úılestirgen. Ol áleýetti qatysýshylardy izdep, olardyń rólderin bólip, jalǵan nesıeler rásimdeý prosesin baqylaǵan. Sondaı-aq, qujattardy rásimdeý úshin jeke tulǵalardy izdeýge nusqaý berip otyrǵan jáne burmalanǵan salystyrý aktilerin jasaýǵa qatysyp, aı saıynǵy tólemderge baqylaý jasaǵan, al jymqyrylǵan qarajat top músheleri arasynda bólinip otyrǵan», delingen habarlamada.
Qazirgi ýaqytta qylmystyq is aıasynda 27 adam kúdikti dep tanylǵan. Sonymen qatar, jalpy somasy 1 mıllıard teńgeden astam kúdiktilerdiń múlkine tyıym salynǵan.