eGov.kz portalyn paıdalanýshylar kólik quralyn basqarýǵa jaramdy ekenin rastaıtyn 073/e nysanyndaǵy medısınalyq anyqtamany endi onlaın ala alady.
Jańa fýnksııa júrgizýshi kýáligin resimdeý, uzartý, qalpyna keltirý úderisin aıtarlyqtaı jeńildetedi. 073/e nysanyndaǵy medısınalyq anyqtama – barlyq júrgizýshige mindetti qujat. Ol kólik quralyn basqarýǵa qarsy kórsetilimderdiń joq ekenin rastaıdy. Buryn azamattar bul anyqtamany tórt mamannan medısınalyq tekseristen ótip baryp qana qaǵaz alatyn. Endi paıdalanýshylar medısınalyq tekseristen ótkennen keıin anyqtamany elektrondyq formatta alady. Al sıfrlyq qujat avtomatty túrde biryńǵaı derekter qorynda saqtalady.
Qyzmetti paıdalaný úshin eGov.kz portalyna tirkelip, «Densaýlyq», «Medısınalyq kómek» bólimine ótý qajet. «№073/e nysany boıynsha medısınalyq anyqtama berý» qyzmetin tańdap, ótinishke qol qoıý qajet. Anyqtama ony alǵan sátten bastap bir jyl boıy jaramdy.