Osydan 15 jyl buryn Onkologııa aýrýlarymen kúres júrgizý jónindegi halyqaralyq odaq (UICC) 4 aqpandy – Rakqa qarsy búkilálemdik kúres kúni dep jarııalaǵan edi.
Alaıda, ýaqyt adamnyń densaýlyǵy aldymen óz qolynda jáne der kezinde jasalǵan dıagnostıka men áleýmettik jaǵdaıyna qatysty ekenin kórsetip otyr. О́kinishke qaraı, kóp jaǵdaıda qaterli isikke shaldyqqandar aldyn ala tegin tekserilip turýǵa bolatyndyǵyna qaramastan, dárigerge derti asqynǵanda keledi... О́z kezeginde qaterli isikterdi emdeýdiń túri kóbeıdi, jańa preparattar paıda bolýda. Degenmen, qazirge Qazaqstan obyr dertine shaldyqqandardy tegin emdeıtin birden-bir el bolyp turǵanyn ekiniń biri bile bermeıdi.
Sonymen, Rakqa qarsy búkilálemdik kúres kúnin ótkizýdiń basty maqsaty qazirgi zamandaǵy eń aýyr naýqastyń biri retinde rak naýqasy jaıynda planeta turǵyndaryn keń túrde habardar etý jáne osy aýrýdyń aldyn alý, anyqtaý jáne emdeýge qoǵamnyń nazaryn aýdarý bolyp tabylatyny belgili.
Oǵan qosa sársenbi kúni BAQ ókilderiniń qatysýymen «Buǵan shamamyz keledi!» uranymen «Medeý» muz aıdynynda konkı tebý jarysy uıymdastyryldy. Bıyl bul bastamaǵa onkologııa aýrýlaryn emdeıtin ınnovasııalyq bıotehnologııalyq preparattardy shyǵarýda álemdik kóshbasshy bolyp tabylatyn «Rosh» kompanııasy uıytqy boldy.
Kompanııa ókilderiniń aıtýynsha, eger rakpen kúreste árqaısymyz salamatty ómir saltyn tańdap, skrınıng baǵdarlamalaryna qatysatyn bolsaq jeńilis tabatyndar bolýy múmkin emes, sebebi, erterek jasalǵan dıagnostıka raktan qutqarady. Sondaı-aq, eger kómekke muqtaj bolǵandardyń barlyǵy emdik sharalarymen qamtylatyn bolsa, pasıentterdiń ómir súrý sapasy jaqsarady. Búgingi kúni rak – sońǵy úkim emes. Bul dertti adamnyń durys jáne ýaqytynda dıagnostıkadan ótip, muqııat emdelse, salamatty ómir saltyn ustansa uzaq ómir súrýge bolady deýge bolady.
Qysqasy, qaterli isikke shaldyqqandardy barlyq emdik sharalarymen qamtý úshin bul kompanııa Qazaqstan naryǵyna kelgen sátten bastap, dárigerlerdi oqytý, ınfraqurylymdy jaqsartý salasynda jumys istep keledi jáne eń bastysy, el turǵyndary úshin ózderiniń ınnovasııalyq preparattarynyń qoljetimdiligin arttyrdy.
– Bizdiń basty mindetimiz – Qazaqstandaǵy pasıentter úshin ınnovasııalyq dıagnostıkalyq tehnologııalardy jáne emdik quraldaryn qoljetimdi etý jáne adamdarǵa ómirlerin uzartý jáne ómir súrý sapasyn jaqsartýǵa jolynda úmit syılaý. «Rosh» kompanııasy áleýmettik-jaýapty kompanııa retinde eldiń densaýlyq saqtaý júıesinde senimdi seriktes bola aldy, – dedi Georgıı Ramıshvılı. – Kompanııamyzdyń kóptegen preparattary aqysyz medısınalyq kómektiń kepildendirilgen kólemine enedi, osylaısha bizdiń ınnovasııalyq preparattar el turǵyndary úshin qoljetimdi bolyp tabylady.
Qalaı desek te, medısınanyń shapshań damýy adamzatqa osy qaýipti aýrýmen kúresýge jańa múmkindikter berdi. Eger buryn isikke qarsy terapııa pasıenttiń ómirin saqtap qalýǵa jumyldyrylsa, al búginde pasıenttiń ómir súrý sapasy keseldi isikti emdeý úshin jańa preparatty jasaý kezinde mańyzdy ról atqarady. Qazirgi erekshe bıotehnologııalyq preparattaryn paıdalaný pasıentterdiń ómirin 10 jylǵa deıin ulǵaıtýǵa, sút bezi ragynyń belgili túrimen naýqastanǵandardyń ómirin 84 paıyzǵa deıin uzartýda.
– Qoǵamnyń sanasyn ózgertý kerek. Qazirgi álemdik medısına qaýymdastyǵy qaterli isikten emdelip júrgen naýqastyń eshkimnen qalmaı, el qatarly ómirin súrip, emniń zııandy áserlerin barynsha boldyrmaýǵa úlken nazar aýdaryp otyr. Oǵan qosa Qazaqstanda medısına salasy shapshań damý ústinde jáne pasıenttiń ómir súrý sapasyn jaqsartýǵa baǵyttalǵan sharalar memlekettik deńgeıde júrgizilip jatqany jumysymyzdy jeńildetýde, – deıdi Georgıı Ramıshvılı myrza.
Aınash ESALI,
«Egemen Qazaqstan».
ALMATY.