Sórede turmasa da, suraǵanǵa tabylady...

О́skeleń urpaqtyń oıyn onǵa, sana­syn sanǵa bólip, sansyratatyn búldirgi aqparattar men densaýlyqqa zııandy dúnıeler jetkilikti. Sonyń biri – veıpter. «Veıpsiz jastyq shaq» áleýmettik jobasy aıasynda jasóspirimder 21 jas­qa deıingiler arasynda veıpıngti aýyz­dyq­taýǵa baǵyttalǵan negizgi is-sharalar qo­ry­tyndylandy. Joba «Qazaq­stannyń ba­la­­lar qory» QQ bastamasy­men Astana, Alma­ty, Qara­ǵandy, О́skemen, Shymkent qala­la­ryn­da Ishki ister mınıstr­ligi­niń, Balalar­dyń qu­qyq­ta­ryn qorǵaý komı­tetiniń, Bilim mı­nıstr­li­gine qa­rasty Respýb­lı­kalyq qo­sym­sha bilim berý oqý-ádistemelik ortaly­ǵy­nyń qol­da­ýymen jú­ze­ge asyryldy.

Resmı derekterge súıensek, polısııa men bala quqyqtary jónin­degi óńirlik ýákilder veıp-shoptardy 98 ret tekserip, 21 jasqa tolmaǵandarǵa veıpterdi satý talaptaryn buzǵan adamdarǵa qat­ysty 42 ákimshilik hattama toltyrylǵan. Bilim berý meke­me­lerinde veı­pıngtiń zııany týraly 48 semınar, aqparattyq kezdesýler uıym­das­tyrylǵan. Muǵalimderge, ata-analar men satýshylarǵa, 4208 arnaýly veıpshop pen saýda núktelerine 19590 shaqty eskertpe taratylǵan.

Ishki ister organdary qyzmetiniń máseleleri jónindegi Qoǵamdyq keńestiń múshesi Qýat Rahymberdın Shyǵys Qazaqstan oblysynda «Veıpsiz jastyq shaq» jobasy jastardy, pedagogter men quqyq qorǵaý organdarynyń qyzmetkerlerin bir maqsatqa jumyldyra alǵanyn mysalǵa keltirdi.

Adam quqyqtary men zańdy­lyqty saqtaý jónindegi Qazaqstan Halyqaralyq bıýrosy Ońtústik Qazaqstan fılıalynyń dırektory, jobanyń Shymkent qalasyndaǵy úılestirýshisi Ádil Seıitqazıev joba arqyly jasóspirimder, ata-analar men tárbıeshiler veıpterdiń zııa­ny týraly naqty habardar etip, saýda núkte­le­riniń satýshylaryna, veıpterdi satý, taratý áre­ket­teri jazalanatyny jónindegi aqparatty jetkizý mańyzdy bolǵanyn atap ótti.

Degenmen, áli oń-solyn tolyq tanyp úlger­megen jas urpaqtyń boıynda salamatty ómir saltyn qalyptastyrýǵa qa­jet­ti osyndaı qadamdar turaqty jasalyp jat­qa­nyna qaramastan, bul salada qoǵamdy qyn­jyl­ta­tyn, oılandyratyn oqıǵalar tyıylmaı otyr.

«Veıpterdi ákelýge, óndirýge, satýǵa, tara­týǵa tyıym salyn­ǵa­nymen, jasóspirimder arasyndaǵy veı­pıng máselesi tolyǵymen sheshilgen joq, tek betperdesin ózgert­ti. Veıpterge tyıym salyn­ǵannan keıin zańsyz saýda kózderin anyqtaý maqsatynda tanymal ınternet-alańdar zertteldi. Eldegi veıp ónimderiniń saýda-sattyǵy OLX-te, Telegram men Instagram sııaqty áleýmettik jelilerde qyzyp jatqany anyqtaldy», deıdi «Qazaqstannyń balalar qory» QQ ­dırektory, Halyqaralyq balalar qorlary qaýymdastyǵynyń vıse-prezıdenti Elvıra Vatlına.

Adam quqyqtary men zańdylyqty saqtaý jónindegi Qazaqstan Halyqaralyq bıýrosy­nyń Astana qalasyndaǵy zańgeri Artýr Alhas­tov ta veıp­terdi elge ákelýge, satýǵa ty­ıym sa­lyn­ǵany­men, túpkilikti joıyl­ma­ǵanyn, veıpterdiń kóleń­­keli bıznesi ınter­net­tiń artyna jasyrynyp otyrǵanyn rastady.

Adam quqyqtary men zańdy­lyqty saq­taý jónindegi Qazaqstan Halyqaralyq bıýro­synyń Qaraǵandy fılıalynyń dırektory Iýrıı Gýsa­­kovtyń pikirinshe, veıptermen kúresýde Úki­met jan-jaqty oılastyrylmaǵan sheshim qa­byl­daǵan. Onyń aıtýynsha, veıpterge tyıym sal­ǵan­­­nan keıin satýshylarǵa qoldaryndaǵy taýar­dy satýǵa jetkilikti ýaqyt bergende bul eldegi jaǵ­daıǵa basqasha áser etip, kóleńkeli saýda kemı­tin edi.

«Degenmen quqyq qorǵaý organdarynyń jumysyn joqqa shyǵara almaımyz, óńirlerde polıseılermen qoıan-qoltyq jumys isteýge umtyldyq. Zańdy belden basyp, veıp saýdasyn júrgizip jatqandar jazalanǵanymen, ol ónimder elge áli de bolsa kelip jatyr», deıdi Almaty qalasyndaǵy «Veıpsiz jastyq shaq» jobasynyń úılestirýshisi Marat Saıbekov.

ALMATY