Almatyda esirtkige qarsy kúres basqarmasynyń qyzmetkerleri esirtki zattaryn saqtady jáne taratty degen kúdikpen 34 jastaǵy jergilikti turǵyndy ustady, dep habarlaıdy Egemen.kz Polisia.kz-ke silteme jasap.
Almatylyq azamatty tintý barysynda qara ızolentaǵa oralǵan untaq zaty bar 18 baılam tabylyp, tárkilengen. Ustalǵan adam «sıntetıkany» ınternet arqyly alǵanyn moıyndady.
- Jedel ýákilderdiń aıtýynsha, ol bul shópti satýdy josparlaǵan. Kúdikti qamaýǵa alyndy. Atalǵan derek boıynsha Bostandyq aýdandyq polısııa basqarmasynda qylmystyq is qozǵaldy. Buryn habarlanǵandaı, 2024 jyly qalada zańsyz aınalymnan 1 tonnadan astam esirtki, onyń ishinde 117 keliden astam «sıntetıka» tárkilendi, - delingen habarlamada.
Sondaı-aq, esirtki zattarynyń zańsyz aınalymyna qatysty barlyǵy 760 quqyq buzýshylyq anyqtalyp, 275 shópti satý dereginiń joly kesilgen. 23 zerthana joıylyp, eki esirtki qoımasy anyqtaldy, 105 esirtki qoıyp ketýshi ustaldy.