Ońtústik Koreıanyń tutqyndalǵan prezıdenti Iýn Sok Iolǵa «búlik uıymdastyrdy» dep aıyp taǵyldy, dep habarlaıdy Egemen.kz.
Reuters agenttiginiń habarlaýynsha, eger Iýn Sok Iol kináli dep tanylsa, kóp jylǵa bas bostandyǵynan aıyrylýy múmkin.
«Prezıdent eldiń burynǵy qorǵanys mınıstri Kım Ion Hıon jáne basqa azamattarmen 2024 jyldyń 3 jeltoqsanynda qarýly qaqtyǵys belgileri bolmasa da, elde zańsyz áskerıi rejım engizý arqyly búlik shyǵardy», dep aıyptady prokýrorlar.
Buryn bas prokýror qyzmetin atqarǵan eks-prezıdent qamaýǵa alynǵannan beri jeke kamerada otyr.
Esterińizge sala keteıik, 2024 jyly 14 jeltoqsanda Ulttyq assambleıa (parlament) Iýn Sok Iolǵa ımpıchment jarııalady. Ol soǵys jaǵdaıyn engizý arqyly búlik shyǵarýǵa árekettendi jáne bılikti asyra paıdalandy degen aıyptaýlarmen tergeýge deıin qyzmetinen ýaqytsha shettetilgen.