Mańǵystaý oblysynyń ákimi Nurdáýlet Qılybaıdyń ókimimen Sábıt Dúısekenov oblystyq tabıǵı resýrstar jáne tabıǵatty paıdalanýdy retteý basqarmasynyń basshysy bolyp taǵaıyndaldy, dep habarlaıdy Egemen.kz oblys ákimdiginiń baspasóz qyzmetine silteme jasap.
Sábıt Qadyruly 1987 jyly dúnıege kelgen. 2005 jyly Oral qarjy-ekonomıkalyq kolledjin «Salyq isi», 2012 jyly Jáńgir han atyndaǵy Batys Qazaqstan agrarlyq-tehnıkalyq ýnıversıtetin «Qarjy», 2014 jyly Mahambet О́temisov atyndaǵy Batys Qazaqstan memlekettik ýnıversıtetin «Quqyqtaný», 2016 jyly Muhtar Áýezov atyndaǵy Ońtústik Qazaqstan memlekettik ýnıversıtetin «Quqyqtaný» (quqyq magıstri), mamandyqtary boıynsha bitirgen.
2006 - 2007 jyldary Qazaqstan Respýblıkasynyń Ulttyq Qaýipsizdik Komıtetiniń Áskerı ınstıtýtynda áskerı boryshyn ótegen.
Eńbek jolyn 2012 jyly QR Aýyl sharýashylyǵy mınıstrliginiń Orman jáne janýarlar dúnıesi komıtetiniń «Ohotzooprom О́ndiristik Birlestigi» respýblıkalyq memlekettik qazynalyq kásiporynynyń «Kendirli Qaıasan» Memlekettik qoryǵynyń kúzet qyzmetiniń bastyǵy bolyp bastaǵan.
2014- 2023 jyldary Aýyl sharýashylyǵy jáne Ekologııa jáne tabıǵı resýrstar mınıstrlikteriniń Orman sharýashylyǵy jáne janýarlar dúnıesi tomıtetiniń «Ohotzooprom О́ndiristik Birlestigi» respýblıkalyq memlekettik qazynalyq kásiporynynyń Batys óńirlik fılıalynyń dırektory, Oral óńirlik fılıalynyń basshysy, Aqtóbe óńirlik fılıalynyń basshysy qyzmetterin atqarǵan.
2024 jyldan osy ýaqytqa deıin Aqtóbe oblysy Qobda aýdany ákiminiń orynbasary boldy.