Úkimettiń keńeıtilgen otyrysynda Astana ákimi Jeńis Qasymbek LRT qurylysynyń barysy týraly aıtty, dep habarlaıdy Egemen.kz.
Qala ákiminiń aıtýynsha, LRT qurylysy tolyǵymen 2025 jyldyń jazynda aıaqtalady.
«Kún saıyn qalalyq marshrýttarǵa 1600-den astam avtobýs shyǵady. Eki jyl ishinde elordanyń qoǵamdyq kólik parki 45 paıyzǵa jańartyldy. Sizderdiń qoldaýlaryńyzdyń arqasynda LRT jobasy márege jetti. Jazda qurylys jumystary tolyǵymen aıaqtalady. Alǵashqy poıyzdar qyrkúıekte keledi, sodan keıin belsendi testileý bastalady. Qalada zamanaýı jaıly ekologııalyq kelbetti qalyptastyrý boıynsha belsendi jumys atqarylyp jatyr», dedi qala ákimi.
Jeńis Qasymbek búginde elordanyń barlyq tirshilikti qamtamasyz etý nysandary turaqty jumys istep turǵanyn atap ótti. Avtokólik aǵynynyń artýy aıasynda qoǵamdyq kólikti damytýǵa, jol ótkizý qabiletin arttyrýǵa, jańa kópirler salýǵa, avtoturaqtardyń jumysyn jaqsartýǵa basa nazar aýdarylǵan.