Qazaqstanda ǵana emes, búkil Ortalyq Azııada sý tapshylyǵy kúsheıip tur. Bul rette Memleket basshysy Úkimetke kórshi elderdiń tájirıbesin negizge ala otyryp, 1 maýsymǵa qaraı jumys barysy týraly esep berýdi tapsyrdy, dep habarlaıdy Egemen.kz.
Prezıdenttiń aıtýynsha, bizdiń qoǵamda resýrstardy únemdep paıdalaný mádenıetin qalyptastyrý mańyzdy ekenin talaı jyldan beri aıtylyp keledi. Biraq azamattarǵa úndeý tastaý jetkiliksiz. Budan bólek, resýrstardy tutynýdyń áleýmettik normalaryn engizý qajet.
«Úlgi etýge bolatyn jaqsy mysaldar bar. Mysaly, dál osyndaı ustanym aı saıyn sýdy segiz paıyzǵa jýyq únemdeýge múmkindik berdi. Bul – asa mańyzdy. Sebebi Qazaqstanda ǵana emes, búkil Ortalyq Azııada sý tapshylyǵy kúsheıip tur. Sondyqtan sýdy únemdeıtin tehnologııalardy paıdalaný máselesi óte ózekti. Kórshi Qytaı elinde álemdik deńgeıdegi ozyq tehnologııalar bar, olar tájirıbesin bólisýge daıyn. Biraq bizdiń jaq – qulyqsyz, onyń ústine batyl sheshimder joq», dedi Qasym-Jomart Toqaev.
Memleket basshysy Úkimetke osy sharýamen belsendi aınalysyp, 1 maýsymǵa qaraı jumys barysy týraly esep berýdi tapsyrdy.