Dáribaı Ospanov – paýerlıftıngten tórt dúrkin álem chempıony. Endi jetpis bes jastaǵy sportshy Norvegııada ótetin álem chempıonatynda baq synamaqshy, dep habarlaıdy Egemen.kz.
Aqsaqal Qaraǵandy oblysy, Shet aýdanynyń Aqadyr atty shaǵyn kentinde turady. Paýerlıftıngpen 19 jyl buryn, 56 jasynda aınalysa bastaǵan.
«Jas kezimde sporttan qol úzgen kezim bolǵan emes. Voleıbol oınadym. 1-razrıadqa jettim. Tennıspen de aınalystym. Sambomen de shuǵyldandym. Biraq olardyń bári jaı ǵana kóńil serpilter nárse edi. Al kásibı sportqa, onyń ishinde paýerlıftınge 56 jasta keldim», deıdi Dáribaı Ospanov.