Ortalyq saılaý komıssııasynyń tóraǵasy Nurlan Ábdirov bastaǵan delegasııa Nıý-Delı qalasynda Úndistannyń saılaý komıssııasy jáne Dúnıejúzilik saılaý organdary qaýymdastyǵy (A-WEB) birlesip uıymdastyrǵan «2024 – Jahandyq saılaý jyly: demokratııalyq keńistikterdi rastaý» halyqaralyq konferensııasyna qatysty.
Bul konferensııada saılaý organdary, halyqaralyq uıymdar ókilderi men 60-tan asa eldiń sarapshylary jınalyp, negizgi saılaý trendteri men syn-qaterlerin talqylady.
2024 jyldyń qorytyndysyna arnalǵan birinshi sessııada QR OSK tóraǵasy Nurlan Ábdirov «2024 jylǵy saılaý trendteri: qazaqstandyq keıs» taqyrybynda baıandama jasap, elimizdiń birqatar negizgi is-sharasyna toqtaldy. Atap aıtqanda, 2024 jylǵy referendým negizgi sheshimderdi qabyldaýǵa qoǵamnyń qatysýyn nyǵaıta otyryp, halyqtyq bılik qaǵıdattaryn iske asyrýdyń jarqyn úlgisi boldy. Aýyldyq jáne aýdandyq ákimderdi saılaýǵa kóshý jergilikti ózin-ózi basqarý men saıası reformalardy damytýdyń jańa kezeńin bildiredi, halyqaralyq yntymaqtastyq Qazaqstannyń jahandyq saılaý úderisiniń belsendi qatysýshysy retindegi ósip kele jatqan rólin kórsetedi.
N.Ábdirov bul bastamalar demokratııalyq ınstıtýttardy nyǵaıtýǵa yqpal etip qana qoımaı, azamattardyń saılaý ınstıtýtyna degen senimin arttyratynyn, bul memlekettiń turaqty damýy úshin óte mańyzdy ekenin atap ótti. Sonymen qatar OSK tóraǵasy qazirgi kezde basqa eldermen yntymaqtastyq keńeıip kele jatqanyn alǵa tartty.
«Biz úshin yntymaqtastyqtyń jańa baǵyty Eýropalyq Odaq, Ońtústik jáne Shyǵys Azııa elderi men Amerıka Qurama Shtattary boldy. Basqa eldegi áriptesterdiń shaqyrýy boıynsha Qazaqstan OSK ókilderi alǵash ret Aýstrııa, Majarstan, Úndistan, Ońtústik Koreıa jáne AQSh-taǵy saılaýǵa baıqaýshy retinde qatysty. Jalpy alǵanda, halyqaralyq baıqaýǵa qatysý Qazaqstanda eki negizgi mindetti sheshýge múmkindik beredi. Birinshisi – basqa elderdiń tájirıbesin, olardyń saılaý júıelerin zertteý. Bul bizdiń ártúrli elektoraldyq úderister men ınfraqurylym týraly túsinigimizdi jaqsartatyny sózsiz. Ekinshi mindet – elimizdegi saılaý úderisin shynaıy ólshem arqyly syrt kózben salystyra baıyptaý», dedi N.Ábdirov.
Konferensııada saılaýdyń bolashaǵy men saılaý úderisin sıfrlandyrýǵa baılanysty jahandyq syn-qaterler erekshe nazarǵa alyndy. Etıkalyq normalardy saqtaı otyryp, derekterdi taldaý jáne boljaý úshin jasandy ıntellektini tıimdi paıdalaný jaǵy da taqyrypqa arqaý boldy.
Konferensııa aıasynda Nurlan Ábdirov Úndistan, Býtan, Irlandııa saılaý organdarynyń basshylarymen, sonyń ishinde Dúnıejúzilik saılaý organdary qaýymdastyǵynyń (A-WEB) Bas hatshysy In-shık Djangomen, Halyqaralyq saılaý júıeleri qorynyń (IFES) Prezıdenti jáne atqarýshy dırektory Entonı Natan Banberımen ekijaqty kezdesýler ótkizdi. Kezdesý barysynda In-shık Django myrza Nurlan Ábdirovtiń Qazaqstanǵa shaqyrýyn qabyldady. Sonymen qatar halyqaralyq sarapshy, International IDEA aǵa keńesshisi Antonıo Spınellı myrzamen kezdesý ótti.
Al Úndistan saılaý komıssııasynyń basshysy Radjıv Kýmarmen kezdesý barysynda taraptar ózara is-qımyldyń joǵary ónimdiligin atap ótip, elektoraldyq rásimderdi jetildirý, tásilder men tájirıbe almasý salasyndaǵy áriptestikti odan ári tereńdetýge daıyn ekenin bildirdi.
О́tken jyl 60 eldegi 4,2 mıllıardtan asa saılaýshyny biriktiretin álemdik saılaý júıesi úshin betburys jyly boldy. Elimiz osy úderistiń belsendi qatysýshysy bola otyryp, saılaýdyń jańa standarttaryn qalyptastyrýǵa óz úlesin qosyp jatyr.