Meta kompanııasy AQSh prezıdenti Donald Trampqa onyń 2021 jyly Instagram men Facebook akkaýnttaryn buǵattaǵany úshin 25 mıllıon dollar tóleıdi, dep habarlaıdy Egemen.kz.
Sebebi Aq úı basshysy kompanııa ústinen shaǵym túsirgen.
NBC News telearnasynyń málimetine sáıkes aıyppuldan túsetin 22 mıllıon dollar prezıdent kitaphanasynyń qurylysyn qoldaýǵa arnalǵan qorǵa aýdarylmaq. Biraq Meta kinásin jarııaly túrde moıyndamady.
Esterińizge sala keteıik, korporasııa osydan 4 jyl buryn Tramptyń jaqtastary Kapıtolııge shabýyl jasaǵannan keıin saıasatkerdiń jazbalary zorlyq-zombylyqqa shaqyrdy degen jeleýmen onyń eseptik jazbasyn jaýyp tastaǵan bolatyn. Qazirgi prezıdenttiń akkaýnttary 2 jyldan keıin ǵana ashylǵan edi.