ATYRAÝ. 18 maýsym. Halel Dosmuhamedov atyndaǵy Atyraý memlekettik ýnıversıtetiniń birinshi kýrs stýdentteri arheologııalyq qazba júrgizý barysynda ejelgi oǵyz dáýrine jatatyn qorymdy tapty. Bul týraly egemen.kz tilshisi habarlady.
IH-HI ǵasyrdaǵy oǵyz dáýirine jatatyn qorym Inder aýdanyndaǵy Terekti dep atalatyn jerden tabylyp otyr. Bul osy aýdandaǵy Eltaı aýylyna taıaý ornalasqan. Aýyl turǵyny ýnıversıtet ǵalymdaryna adam súıegin, kıim-keshek túrlerin taýyp alǵany habarlaǵan. Ýnıversıtet janyndaǵy arheologııalyq-etnografııalyq ortalyq dırektory Ánııa Ermaǵambetovanyń málim etýinshe, atalǵan jerdegi ejelgi qorym birinshi kýrs stýdentteriniń qatysýymen tolyqtaı qazylǵan. Sol kezde qorymnan adam súıekteri, sonymen birge, jylqy súıekteri de tabylǵan. Jylqynyń janynda uzyndyǵy 1 metrge jýyqtaıtyn qylysh, jebe saýyt jáne at ábzelderi de bolǵan. Ǵalymdar temir saýytty adamǵa emes, atqa arnalǵan degen tujyrym jasap otyr. О́ıtkeni, saýyttyń salmaǵy 20 kg., uzyndyǵy 1 metrden asady eken.
«Bizdiń boljamymyz boıynsha, qorym oǵyz dáýirine jatady. Demek, bul IH-HI ǵasyrǵa tıesili. Sol zamanda oǵyz taıpalary atqa temir saýyt jasaǵany belgili», deıdi ýnıversıtet janyndaǵy arheologııalyq-etnografııalyq ortalyq dırektory Ánııa Ermaǵambetova.
Joldasbek Shópeǵul.
Derek, sýret: egemen.kz.