Áskerı kafedralardyń daıyndyq baǵdarlamasyn reformalaý aıasynda Qorǵanys mınıstri general-polkovnık Rýslan Jaqsylyqov elimizdiń jetekshi tehnıkalyq joǵary oqý oryndarynyń biri Astana IT University-ne bardy, dep habarlaıdy Egemen.kz.
Áskerı-oqytylǵan rezervti oqytýdaǵy jańa tásildermen jáne múmkindiktermen tanysqan Qorǵanys vedomstvosynyń basshysy stýdentterdiń jabdyqtalýy men daıyndyq sapasyna nazar aýdardy.
«Áskerı kafedrany áskerı bılet alatyn oryn retinde ǵana qabyldaýǵa bolmaıdy. Biz bul túsinikti túbegeıli ózgertip, kafedralardyń bazasynda daıyndyq ortalyqtaryn qurýymyz qajet. Onda bolashaq serjanttar men zapastaǵy ofıserler Qarýly kúshterge qajetti naqty bilim alyp shyǵýy tıis», dep atap ótti Qorǵanys mınıstri general-polkovnık Rýslan Jaqsylyqov.
Ol sondaı-aq áskerı kafedralardyń reformasy qaýip-qaterdiń jańa túrlerine daıyndalý qajettiliginen, sondaı-aq senimdi jáne kásibı daıyndalǵan rezervti qamtamasyz etýden týyndaǵanyn atap ótti.
Sonymen birge Qorǵanys mınıstrine robototehnıka jáne ushqyshsyz ushý apparattary salasyndaǵy stýdentterdiń tehnıkalyq ázirlemeleri kórsetildi.
Astana IT University ortalyǵynyń balansynda 13 ushqyshsyz ushý apparaty bar UAV tusaýkeseri ótti. Mınıstr jastardyń trenajerlarda pılottyq jáne FPV-dronreısıngti qamtıtyn jańa, zamanaýı kıbersport túrlerine kóptep tartylǵanyn, sondaı-aq olardyń óz drondaryn jasaý men baǵdarlamalyq qamtamasyz etýdi ázirleý boıynsha ǵylymı jobalarǵa qatysqanyn atap ótti.
Ol sondaı-aq ýnıversıtette júrgizilgen jelilik qorǵanys, derekterdi qaýipsiz berý jáne geokeńistiktik aqparatty taldaý salasyndaǵy keshendi zertteýler áskerıler úshin qyzyǵýshylyq týdyratynyn aıtty.
Sapar sońynda Qorǵanys mınıstri birqatar mindetter qoıdy. Onyń ishinde Qazaqstan armııasy úshin kishi mamandar daıarlaý boıynsha da naqty tapsyrmalar bar. Ol oqý baǵdarlamalaryn túzetýdi jáne olardy Qarýly kúshterdiń talaptary boıynsha daıyndaýdy tapsyrdy.
Qazirgi ýaqytta Astana IT University áskerı kafedrasynyń bazasynda kıberqaýipsizdik, geoaqparattyq júıeler, topografııalyq jumystar, áýe shabýylyna qarsy qorǵanys áskerlerin basqarýdy avtomattandyrýdy uıymdastyrý jáne taǵy basqa mamandyqtar boıynsha zapastaǵy ofıserler men serjanttar baǵdarlamasy boıynsha 524 stýdent daıarlanyp jatyr.