ASTANA. 18 maýsym. Keshe Qyzylorda qalasynda Qazaqstannyń halyq jazýshysy, memleketttik syılyqtyń laýreaty, kórnekti aqyn-dramatýrg, ádebıet zertteýshisi Ábdilda Tájibaevtyń eskertkish-bıýsti ashyldy. Bul týraly «Syr boıy» gazeti habarlady.
Eskertkishtiń ashylý saltanatyna oblys ákimi Qyrymbek Kósherbaev pen aqynnyń týǵan-týystary qatysty.
1909 jyly Aqmeshit (Qyzylorda) qalasynda týǵan aqyn balalyq shaǵyn Qaraózek jerinde ótkizdi. О́tken ǵasyrdyń 20-shy jyldarynyń aıaǵynan bastap týǵan ádebıetimizdi kórkeıtýge belsene aralasty. 1998 jyly ómirden ótken ǵalym-qalamger óziniń uzaq jyldarǵa sozylǵan shyǵarmashylyq ǵumyrynda artynda mol mura qaldyryp ketti.
Aıtýly aqynǵa qazaqtyń qaı jerinde eskertkish qoısa da jarasady. Al bul bıýsttiń orny bólek. О́ıtkeni, óziniń týǵan jerinde, óziniń esimimen atalatyn úlken rýhanı shańyraq – oblystyq ámbebap kitaphananyń aldyna qoıyldy.
Oblys ákimi Qyrymbek Kósherbaev aqyndy ulyqtaýǵa arnalǵan sharada quttyqtaý sóz sóılep, Ábdilda Tájibaevtyń óneri óskeleń urpaqqa ónege bolý kerek ekendigin tilge tıek etti.
«Syr topyraǵynan shyqqan jaryq juldyzdarymyzdy ulyqtap, olarǵa laıyqty qurmet kórsetý – bizdiń perzenttik paryzymyz. Bul eskertkishtiń Qyzylordanyń kórkine kórik qosyp, jastarymyzdyń boıyna patrıottyq sezim beretin rýhanı orynǵa aınalatynyna senemiz. Ábdilda Tájibaevtyń jalyndy jyrlary jyl ótken saıyn odan ári asqaqtap jastardy órlikke, bıiktikke shaqyryp, teńiz tereńindegi marjandaı jarqyraı beretini sózsiz», – dedi oblys ákimi.
Aqynnyń qyzy Zıfa Tájibaeva ákesi jaıly estelik aıtyp, jerlesterine kórsetip jatqan qurmetteri úshin alǵysyn jetkizdi.
Shara sońy qonaqtardyń «Juldyz shashqan jyrlar» atty Tájibaev oqýlarymen, «Ulttyq poezııa báıteregi» degen kitap kórmesimen jáne aqyn mýzeıimen tanysýlarymen aıaqtaldy.
Talǵat Raıymbek.
Derek, sýret: Syr boıy.