ASTANA. 6 aqpan. AIBA Proboxing jobasynda baq synap júrgen boksshymyz Birjan Jaqypov (49 kılo) kezekti reıtıngtik jekpe-jegin ótkizip, jeńiske jetti. Bul týraly egemen.kz habarlady.
Gonkongte ótken saıysta Birjan brazılııalyq Chagas Valerıo Loýrensımen judyryqtasty. Tartys sońynda qaptaldaǵy tóreshiler biraýyzdan jeńisti qazaq boksshysyna berdi (58:56, 58:56, 58:56). Qos boksshy joba aıasynda osyǵan deıin bir márte kezdesip, ol kezde de bizdiń jigit basym bolǵan edi.
Birjan úshin bul reıtıngtik jekpe-jek. Jobanyń alǵashqy kezeńinde fınalǵa shyǵa almaǵan ol endi ekinshi kezeńde Olımpıada joldamasyna talasyp kórmek. Sondaı-aq, ARV jobasynyń bul kezeńinde Olımpıada joldamasyna boksshylarymyz Ilııas Súleımenov (52 kılo) pen Anton Pınchýk (91 kılo) te talasatyn bolady. Ekeýi de sońǵy reıtıngtik jekpe-jekterin jeńispen aıaqtady. Ilııas aljırlik Mohammed Flıssıdi ekinshi raýndta tehnıkalyq nokaýtpen jeńse, Anton germanııalyq Emır Ahmatovıchten 3:0 (59:55, 59:55, 59:55) esebimen basym tústi.
Sonymen qatar Gonkongte ótken básekede 49 kılo salmaq dárejesi boıynsha birinshi kezeńniń chempıony anyqtaldy. Bul salmaqta fınalǵa qos qytaılyq boksshy Lıý Bın men Jýn Lın Vý shyqqan edi. Eki boksshy arasyndaǵy tartysta Lıý Bın 3:0 (79:73, 78:74, 79:73) esebimen jeńiske jetip, chempıondyq beldikke ıe boldy.
Elaman Qońyr.
Derek: egemen.kz.
Sýret: aibaproboxing.com.