ATYRAÝ. 6 aqpan. Atyraý oblysyndaǵy «Teńizshevroıl» seriktestigi «Teńiz» kenishiniń qýatyn arttyrýǵa baılanysty jobasy ońtaılandyrylmaq. Bul jóninde Atyraý oblysyna sapary barysynda Energetıka mınıstri Vladımır Shkolnık málim etti.
«Qazirgi ýaqytta baǵasyn tómendetý boıynsha atalǵan jobany ońtaılandyrý jumystary júrgizilýde. Osy jyldyń sońyna taman atalǵan jobany bekitýge sheshim qabyldaýdy, saraptama jasaýdy qolǵa alatyn bolamyz. Joba rentabeldi bolýy úshin satyp alý shyǵyndaryn azaıtyp, deldaldarsyz júzege asyramyz», – dedi V.Shkolnık.
«Teńizshevroıl» seriktestigi ıgeretin «Teńiz» ken ornynda keleshek keńeıý jobasyn iske asyrýǵa ázirlik júrgizilýde. Joba iske asyrylǵan kezde ken ornynda munaı óndirý kólemin jylyna 36 mıllıon tonnaǵa ulǵaıtý jospary bar. Qazir atalǵan ken ornynda 24 mıllıon tonna shamasynda munaı óndiriledi.
Joldasbek Shópeǵul.
Derek: egemen.kz.
Sýret: news.nur.kz.