QOSTANAI. 7 aqpan. Qostanaı oblystyq prokýratýrasy ótken jyly 2,5 mllıard teńge memleket shyǵynyn qalpyna keltirdi. Onyń kólemi aldyńǵy jyly 1 mıllıard teńge bolatyn. Bul týraly egemen.kz tilshisi habarlady.
Oblys prokýrory Marat Qaıybjanov jyl boıy oryn alǵan qylmystyń basym kópshiligi urlyqqa tıesili ekenin aıtty. Oblysta profılaktıkalyq jumystardyń arqasynda ótken jyly ózgeniń múlkine qol salý 9,1 paıyzǵa azaıǵan. Alaıda, bul kóńil jubatpaıdy, sondyqtan prokýratýra 2015 jyly osy baǵyttaǵy jumysty kúsheıtetin bolady.
Sonymen qatar, ótken jylǵy tekseris kásipkerlerdiń salyqtan jaltarý men zańsyz áreketterin áshkereledi. Prokýratýra talabymen óńirde jalǵan adamnyń atyna tirkelgen 26 kásiporyndy toqtatty, osy boıynsha 3 qylmysty is qaraldy. Prokýratýra kásipkerlerdiń quqyn qorǵaý isi týraly da burmalaýshylyqtardyń betin ashty. О́tken jyly prokýratýranyń qarsylyǵymen «Qazposhta» aksıonerlik qoǵamy basqarmasy tóraǵasynyń «kásipkerlerge aqyly qyzmet kórsetýdi júktegen» zańsyz úkiminiń kúshi joıyldy.
Oblystyq prokýratýranyń jyl qorytyndysyna oblys ákimi Nuraly Sádýaqasov qatysty. Ol qoǵamdaǵy barlyq zań burmalaýshylyqtarǵa, sybaılas jemqorlyqqa, qylmysqa qarsy biliktilikpen qarsy turý kerek ekenin tilge tıek etti. Sonymen qatar, bıýdjettiń qysqaratynyn, barynsha únem ǵana qıyndyqtan alyp shyǵatynyn aıtty. Qylmystyń, onyń ishinde urlyqtyń ósýine aımaq basshysy da toqtaldy. Oblys ákimi Nuraly Sádýaqasov: «Urlyqtyń iri-ýaǵy bolmaıdy. Ol turǵyndardy mazalamaýy tıis. Halyqtyń senimi de osyndaı maıda, ýaq nárseden bastalady», dedi.
Názıra Járimbetova.
Derek, sýret: egemen.kz.