QOSTANAI. 7 qańtar. Qostanaıda energııa únemdeý salasyndaǵy jańa tehnologııalar kórmesi ótti. Onda jergilikti kompanııalarmen qatar, Qazaqstannyń ózge qalalarynan, Reseıden kelgen kásiporyndar sharýashylyqtyń túrli salalarynda qoldanýǵa bolatyn ónimderin kópshilik nazaryna usyndy. Bul týraly alau.kz habarlady.
Qazir energııa únemdeý – elimizdegi strategııalyq mańyzy bar mindetterdiń biri. Sondyqtan, mundaı kórmeniń bereri kóp ekeni sózsiz. Usynylǵan ónimderdi kórý úshin kórmege kásipkerler men kommýnaldyq kásiporyndar basshylary keldi. Kópshilik nazaryn aýdarǵan ónimder az bolǵan joq. Mysaly Qaraǵandydaǵy «ISO PLUS SENTRALNAIа AZIIа» kompanııasynyń jylý bóletin ınnovasııalyq qubyryn qyzyqtaǵandar kóp boldy. Ol uzaq merzimge jylý saqtaıdy, sondyqtan energııa da únemdeledi.
Qostanaıdaǵy «Kazgeobel -1» kompanııasy Qazaqstanda ınfraqurylymdy damytýǵa belsene qatysyp júr. Olar energııany tıimdi paıdalaný baǵytyndaǵy ınnovasııalyq ónimin kórsetti. Onyń ónimin Batys Eýropa – Batys Qytaı baǵytyndaǵy jol qurylysyna alady. Kompanııa menedjeriniń aıtýyna qaraǵanda, sarapshylar bekitkendeı, olar shyǵarǵan geosıntetıka ónimin paıdalanǵan joldar ádettegiden 2 ese beriktik tanytady.
Qostanaı oblysyndaǵy turǵyn úı-kommýnaldyq sharýashyylǵynda energııa únemdeý tehnologııasy birneshe jyldan beri engizilip keledi. Bul jóninen Lısakov qalasy kósh bastaıdy. Munda birneshe «aqyldy úı», «aqyldy mektep» jobalary júzege asqan. «Lısakovskgorkommýnoenergo» kásipornynyń dırektory: «Energııa únemdeý tehnologııasynyń tıimdiligi birden-aq bilinedi, biraq onyń ózin ózi aqtaýyna keminde bes jyl ýaqyt kerek», dedi.
Názıra Járimbetova.
Derek, sýret: alau.kz.