Qyzylorda oblysy boıyna ekonomıkalyq tergep-tekserý departamenti bıýdjet qarajatyn jymqyrǵan qyzmetkerdiń jolyn kesti. Departament dereginshe halyqty áleýmettik qorǵaý salasynda qyzmet atqarǵan D.Muhtarqyzynyń 2018-2024 jyldar aralyǵynda qyzmet babyn paıdalanyp, ózine senip tapsyrylǵan bóten múlikti asa iri mólsherde ıemdengeni anyqtaldy.
Ol ózine júktelgen laýazymdyq mindetterge sáıkes qyzmetkerlerdiń aılyq tabysyn esepteý barysynda únemdelgen jolmen artylyp qalǵan aqshany jymqyryp kelgen. Osylaısha ol 24 700 000 teńge qarajatty bas paıdasyna jumsap, memleketke asa iri kólemde zalal keltirgen.
Tergep-tekserý barysynda kinásin moıyndaǵan sottalýshy sot úkimimen QR QK-niń 189-baby 4-bóligi 2)-tarmaǵymen kináli dep tanylyp, 6 jyl merzimge bas bostandyǵynan aıyrý jazasy taǵaıyndaldy. Sottalýshyǵa QK-niń 74-babynyń 1-bóligi qoldanylyp, on tórt jasqa tolmaǵan balasy bar áıel retinde jazasyn oryndaý keıinge qaldyrylyp, probasııalyq baqylaý belgilendi.