Mopedti tirkeý tártibi týraly departament bastyǵy - IIM resmı ókili, polısııa polkovnıgi Shyńǵys Alekeshov túsindirdi, dep habarlaıdy Egemen.kz mınıstrliktiń baspasóz qyzmetine silteme jasap.
Mopedti tirkeý erejeleri, qajetti qujattar
Mopedterdi tirkeý úshin turǵylyqty jeri boıynsha mamandandyrylǵan halyqqa qyzmet kórsetý ortalyǵyna barý qajet. Jeke basyn kýálandyratyn qujat, elektrondy túrde de bolady, mopedtiń tehnıkalyq qujatyn nemese tehnıkalyq sıpattamalary týraly málimetti usyný qajet. Sodan soń ótinish toltyryp, mopedti tekserip, sondaı-aq ony tirkeý (0,25 AEK) jáne tirkeý týraly kýálik (1,25 AEK) pen memlekettik nómir (1,4 AEK) úshin memlekettik bajdardy tóleý kerek.
Qujat bolmaǵan jaǵdaıda tirkeý
Eshqandaı qujat nemese VIN-kod bolmaǵan jaǵdaıda ıa bolmasa qandaı da bir sebepterge baılanysty mopedtiń shyǵarylǵan jylyn belgileý múmkin bolmasa, ony ishki ister organdary tekserý júrgizgennen keıin beredi. Bul rette ony qarap-tekserý júrgizilgen jyl mopedtiń shyǵarylǵan jyly bolyp esepteledi.
Mopedti basqarý úshin kýáliktiń qandaı sanattary qajet
«Jol júrisi týraly» zańǵa sáıkes mopedti basqarý úshin A1 sanaty bar kýálik qajet. Eger júrgizýshiniń A nemese V sanatyndaǵy kýáligi bolsa, ol da mopedti basqara alady.
Mopedterge arnalǵan memlekettik tirkeý nómirlik belgileri qandaı tártippen beriledi
Mopedterge memlekettik nómir berý qoldanystaǵy tártipke sáıkes júzege asyrylady, ıaǵnı júıe avtomatty túrde nómirdi tańdaıdy. Mysaly, dál osyndaı tásil motosıklderge de qatysty qoldanylǵan.
5 sáýirden keıin mopedterin tirkemegenderge qandaı jaýapkershilik kózdelgen
Zańǵa sáıkes 5 sáýirden keıin tirkelmegen mopedterdi basqarýǵa tyıym salynady. Quqyq buzýshylyq anyqtalǵan jaǵdaıda Ákimshilik quqyq buzýshylyq týraly kodekstiń 590-babynyń 2-tarmaǵymen ákimshilik jaýapkershilik kózdelgen (10 AEK aıyppul).