Eýrazııalyq bırjalar federasııasynyń bas hatshysy Konstantın Saroıan Joining Tabadul Hub halyqaralyq konferensııasynda Eýrazııanyń qor naryqtaryndaǵy ótimdilikti qalaı arttyrýǵa bolatynyn aıtty. Onyń aıtýynsha, QQS ósýi jalpy kapıtal naryǵyna áser etpeıd, dep habarlaıdy Egemen.kz.
Onyń aıtýynsha, QQS ósimi jekelegen kompanııalardyń qyzmetine áser etýi múmkin. Biraq salyqtyń jalpy deńgeıi kóterilse, bul lıstıngtelgen kompanııalarǵa kóp nemese az áser etedi degendi bildirmeıdi. QQS ósimi bárine birdeı áser etedi jáne kapıtal naryǵyna tikeleı qatysy bolmaıdy.
Budan basqa, ótimdilikti ósirý úshin ınvestorlardyń qarjylyq saýattylyǵyn arttyrý, ıaǵnı olardy jergilikti naryqqa ınvestısııa salýǵa kóndirý qajet, dep esepteıdi eýro-azııalyq bırjalar federasııasynyń bas hatshysy.
- Sondaı-aq, áleýetti emıtenttermen korporatıvtik basqarýdyń ashyqtyǵy men bólinýinen qoryqpaý úshin jumys júrgizý qajet, - dep qortyndylady spıker.
Qazaqstan jańa salyq kodeksin ázirlep jatyr. Onda salyqtyń keıbir túrleri boıynsha jańa mólsherlemeler jazylady dep kútiledi. Mysaly, uzaq ýaqyt boıy 20% deńgeıinde mólsherleme usynylǵanymen, QQS-ty 12%-dan 16%-ǵa deıin kóterý týraly sheshim qabyldandy. Keıbir salalar úshin ol 0%, 10% teń bolady, sondaı-aq keıbir salalar salyq tóleýden bosatylady.