Ishki ister mınıstrligi qoǵamda "Zań jáne Tártip" qaǵıdatyn nyǵaıtýǵa, onyń ishinde ártúrli qylmystar jasaǵany úshin izdeýde júrgen adamdardyń ornalasqan jerin anyqtaýǵa jáne olardy ustaýǵa baǵyttalǵan jumysty jalǵastyrýda, dep habarlaıdy Egemen.kz tilshisi Polisia.kz-ke silteme jasap.
Almatyda krımınaldyq polısııa qyzmetkerleri asa iri mólsherde alaıaqtyq jasaǵany úshin halyqaralyq izdeýde júrgen er adamdy ustady.
2023 jyldyń qarasha aıynda kásipkerlik qyzmettiń atyn jamylǵan qaskúnem jábirlenýshige «tenderge qatyssa, jaqsy paıda tabatynyn» ýáde etip, 76 mln teńgeden astam qarajat pen Lexus 570 avtokóligin ıemdenip alǵan.
Mańǵystaý oblysynyń "Beıneý" temirjol stansııasynda kórshi memlekettiń azamaty ustaldy. Ol urlyq jasaǵany úshin polısııa izdeýinde júrgen.
О́tken jyly er adam Atyraýda toppen birge bazar qoımasynan 19 mln teńgege taýar urlap ketken.
Qaraǵandyda memleketaralyq izdeýde júrgen adam ustaldy. Ol basqa bireýdiń múlkin ıemdenip, talan-tarajǵa saldy dep kúdikke ilingen.
Qaskóı Shymkenttegi lombardtardyń biriniń fılıalynyń dırektory bola tura, óz sybaılastarymen birge JShS-ǵa tıesili 1 mlrd teńge qarajatty ıemdenip, talan-tarajǵa salǵan.
Barlyq kúdikti ýaqytsha ustaý ızolıatoryna qamaldy.