Jumysshy mamandyqtary – kez kelgen eldiń ekonomıkasynyń tiregi, qoǵam damýynyń qozǵaýshy kúshi. Qurylysshynyń qajyrly eńbegi bolmasa, eńseli ǵımarattar boı kótermeıdi, al temir jonýshynyń sheber qoly tımese, san túrli tehnıka iske qosylmas edi. Osyndaı mańyzdy kásipterdi dáripteıtin «Jumysshy mamandyqtar qalasy» festıvali – jastardyń bolashaqqa baǵdar alýyna kómektesip, eńbek adamynyń mártebesin asqaqtatqany aıdan anyq.
Oqý-aǵartý mınıstri Ǵanı Beısembaev atap ótkendeı, bul festıval – tek kásiptik bilimdi nasıhattaýdyń ǵana emes, sondaı-aq, qol eńbeginiń qadirin arttyrýdyń sımvoly. Munda ár qatysýshy jumysshy mamandyqtarynyń syryn ashyp, ony óz qolymen jasap kórý arqyly eńbektiń naǵyz qunyn túsinedi.
«Árıne, búgingi «Jumysshy mamandyqtar qalasy» bul bizdiń elimizde birinshi ret ótip otyrǵan úlken emersıvti formattaǵy is-shara. Jáne bul tek qana kórme stılinde emes, kerisinshe, qalaǵa kelip jatqan qonaqtardyń osynda kórsetilgen dúnıelerdi tek qana kózben kórip emes, qolmen ustap, myna jumysshy mamandyqtardyń qyr-syrymen tanysýǵa múmkindik berip jatyr. Bul birinshi kezekte, jumys berýshiler men kolledjderdiń arasyndaǵy yntymaqtastyqty kúsheıtýge, oqýshylar men jastar arasyndaǵy kásiptik baǵdarlaýdy damytýǵa, ıaǵnı kelip jatqan jastardyń óziniń mamandyǵyn durys tańdaýyna úlken múmkindik beretin ortalyq. Jalpy, bul qalanyń osylaı kórinis tabýyna árıne, barlyq memlekettik mekemeler aralasyp otyr. Odan keıin 100-den asa kásiporyndar jáne 50-ge jýyq kolledjder qatysty. Tek qana jumysshy mamandyqtar qalasy emes, birlikter qalasy deýge de bolady. О́ıtkeni bul birlik qalasynda barlyǵy bas biriktirip jumysshy mamandyqtarynyń áleýeti men onyń jańa qyzyǵýshylyǵyn arttyrýǵa jáne mártebesin kóterýge birlesken jumys atqaratyndyǵyn erekshe atap ótý kerek», dedi Oqý-aǵartý mınıstri.
Rasymen de festıval eńbek naryǵy men bilim berý salasynyń arasyndaǵy altyn kópir ispetti. О́ndiris ókilderi, kolledj stýdentteri men mektep oqýshylary bir alańda kezdesip, tájirıbe almasyp, sondaı-aq sheberlik synyptaryna qatysyp, jumysshy kásipteriniń qyr-syryn meńgere bildi. О́z isiniń naǵyz ıeleri bolashaq mamandarǵa baǵyt-baǵdar berip, olardyń eńbek jolyndaǵy senimin nyǵaıtýǵa at salysty.
Búginde tehnologııa damyp, zamanaýı óndiris qarqyndy ózgerip jatqanda, bilikti jumysshylarǵa degen suranys artyp keledi. Sondyqtan mundaı festıvalder jastarǵa tek kásip tańdaýǵa kómektesip qana qoımaı, olardyń boıynda eńbeksúıgishtik pen kásibı daǵdylardy damytýǵa septigin tıgizedi.
Festıval qonaqtary arnaıy qurylǵylar men ınteraktıvti platformalar arqyly ártúrli mamandyqtardyń erekshelikterimen tanysyp, ózderin ártúrli salalarda synap kórdi.
Sonymen qatar qoǵamda jumysshy mamandyqtaryna degen kózqarasty jaqsartý arqyly jastardy tehnıkalyq jáne kásiptik bilimge yntalandyrdy. Sondaı-aq, qazirgi zamanǵy óndiris pen jańa tehnologııalardyń qalaı jumys isteıtinin kórsetip, jastardyń ınnovasııalarǵa qyzyǵýshylyǵyn oıatty.
Osylaısha, is-shara jumysshy mamandyqtarynyń qoǵamdaǵy rólin taǵy bir márte aıqyndap, eńbektiń qadirin uǵyndyrdy.