Qaraǵandy oblysynda Kostenko atyndaǵy shahtada 46 kenshiniń ólimine qatysty qylmystyq is boıynsha tergeý aıaqtaldy. Bul týraly bas prokýror Berik Asylov X áleýmettik jelisindegi paraqshasynda málimdedi, dep habarlaıdy Egemen.kz.
«Bas prokýratýra arnaıy prokýrorlarynyń basshylyǵymen VJTT Kostenko shahtasyndaǵy 46 kenshiniń qazasyna qatysty qylmystyq isti tergeýdi aıaqtady. 10 aıyptalýshyǵa qatysty is taý-ken jumystarynyń qaýipsizdik erejelerin buzý (QK 277-babynyń 3-bóligi) boıynsha sotqa joldandy», delingen habarlamada.
Esterińizge sala keteıik, qaıǵyly oqıǵa Kostenko atyndaǵy shahtada 2023 jyldyń 28 qazanda boldy. Jarylys kezinde kenishte 252 adam bolǵan, onyń ishinde 206-sy jer betine shyǵyp úlgergen, al qalǵandary qaza tapty.