Premer-mınıstr Oljas Bektenovtiń tapsyrmasy boıynsha Ulytaý oblysyndaǵy TJ ornynda vıse-premer Qanat Bozymbaevtyń basshylyǵymen úkimettik komıssııa jumysqa kiristi, dep habarlaıdy Egemen.kz.
Komıssııa quramynda Ulytaý oblysynyń ákimi Dastan Ryspekov, TJ mınıstri Shyńǵys Árinov, ishki ister mınıstriniń birinshi orynbasary Baýyrjan Álenov, eńbek jáne halyqty áleýmettik qorǵaý birinshi vıse-mınıstri Aqmádı Sarbasov, densaýlyq saqtaý vıse-mınıstri Erjan Nurlybaev, ónerkásip jáne qurylys vıse-mınıstri Iran Sharhan, QR TJM О́nerkásiptik qaýipsizdik komıteti tóraǵasynyń mindetin atqarýshy Rashıd Dýbaev bar.Oqıǵa ornynda TJ qyzmeti, IIM jáne О́nerkásiptik qaýipsizdik komıtetiniń shuǵyl tergeý toby, sondaı-aq Eńbek jáne halyqty áleýmettik qorǵaý mınıstrligi men О́nerkásip jáne qurylys mınıstrliginiń qyzmetkerleri jumys istep jatyr.
Komıssııa músheleri oqıǵa ornynda bolyp, tergeý barysymen tanysty. Qaza tapqandardyń otbasylaryna birinshi kezekte kómek kórsetý jóninde tapsyrma berilgen. Ári qaraı Premer-mınıstrdiń orynbasary shtab otyrysyn ótkizip, qaza tapqandardyń týystarymen kezdesedi.