Atyraý oblysynda sharýa qojalyǵy aýyl sharýashylyǵy maqsatyndaǵy 100 gektar jer telimin ıgermegen. Soǵan baılanysty aıyppul salynyp, jer telimi májbúrli túrde qaıtaryldy.
Jer resýrstaryn basqarý komıtetiniń málimetinshe, 100 gektar jer telimi Mahambet aýdanynda ornalasqan.
«Atyraý oblysynda jer resýrstaryn basqarý departamenti Atyraý kólik prokýratýrasynyń qyzmetkerleri memleket ıeligindegi jerdi zańsyz paıdalanýdyń birqatar faktilerin anyqtady. Atap aıtqanda, «K» sharýa qojalyǵyna Mahambet aýdanynda ornalasqan 100 gektar ýchaskeni ıgerý týraly nusqama berildi. Nusqamanyń oryndalmaýyna baılanysty jer ýchaskesi Jer kodeksiniń 94-babyna sáıkes májbúrli túrde alyndy. Sharýa qojalyǵy Ákimshilik quqyq buzýshylyq týraly kodeksiniń 136-babymen ákimshilik jaýapkershilikke tartylyp, 2,6 mln teńgeniń aıyppuly salyndy», dep habarlady komıtettiń baspasóz qyzmeti.