ASTANA. 7 aqpan. Ońtústik Qazaqstan oblysy Saryaǵash aýdanyndaǵy Yntymaq aýylynyń turǵynyn óltirdi degen kúdik tańylǵan adam kórshi О́zbekstan memleketiniń aýmaǵynan ustaldy. Bul týraly oblystyq ishki ister departamenti baspasóz qyzmetine silteme jasaǵan Tengrinews.kz tilshisi habarlady.
«Qazaqstan polısııasynyń kúshimen О́zbekstan Respýblıkasy ishki ister organdary qyzmetkerlerimen birge Ońtústik Qazaqstan oblysy Yntymaq aýylynyń turǵynyn óltirýge kúdikti adam ustalyp, Qazaqstanǵa ekstradısııalandy», - delingen taratylǵan habarlamada.
Qazirgi tańda ustalǵan adam Ońtústik Qazaqstan oblysy ishki ister departamenti tergeý oqshaýlaǵyshynda otyr. Qylmysty tergeýdi ishki ister mınıstriniń tergeý departamenti men oblystyq ishki ister departamentiniń qyzmetkerlerinen quralǵan arnaıy tergeý-jedel toby júrgizip jatyr.
Eske sala keteıik, 4 aqpan kúni Saryaǵash aýdanynyń Bostandyq eldi mekeni mańynan Yntymaq aýyly turǵynynyń pyshaq salynǵan denesi tabyldy. Osyǵan baılanysty «Kisi óltirý» baby boıynsha qylmystyq is qozǵaldy. Keıin polısııa oqıǵaǵa kúdiktini anyqtady. Ol Saryaǵash aýdany Bostandyq aýylynyń 1976 jyly týǵan N.Narmetov degen turǵyny bolyp shyqty. Kúdikti marqumnyń jylyjaıyn jalǵa alǵan eken. Sol kúni olardyń arasynda jalǵa baılanysty kelispeýshilik oryn alǵan. Janjaldyń sońy kúdiktiniń jylyjaı ıesin óltirýimen aıaqtalǵan.
«5 aqpan kúni B.Artyqovtyń (qaza tapqan er adam) aýyldastarynan turatyn bir top jigit N.Narmetov turatyn jerde tártipsizdik jasady, sonyń saldarynan birneshe avtokólik órtenip, aýdaryp tastaldy. Jaqyn mańdaǵy úılerge zaqym keldi. Budan keıingi buzaqylyq áreketterdi oqıǵa ornyna kelgen polısııa qyzmetkerleri toqtatty. Qurban bolǵandar men zardap shekkender joq», - dep habarlady polıseıler.
Qazir Ońtústik Qazaqstan oblysynyń Saryaǵash aýdanynda qoǵamdyq tártipti qamtamasyz etý sharalary júrgizilip jatyr, jaǵdaıdy ishki ister qyzmetkerleri baqylaýǵa alǵan.
Qurysh Nurymbet.
Derek, foto: Tengrinews.kz.