ASTANA. 7 aqpan. Reseı fýtbol odaǵy qurama komandanyń bas jattyqtyrýshysy Fabıo Kapello jalaqysynyń qaryzyn tóledi. Bul týraly «Argýmenty ı fakty» habarlady.
«Reseı fýtbol odaǵy juma kúni Reseı ulttyq quramasynyń bas jattyqtyrýshysy Fabıo Kapellonyń jalaqysyn tóleýge arnalǵan aqsha qarajatyn aýdarý jónindegi qajetti operasııany júzege asyrdy», - delingen uıymnyń baspasóz qyzmetiniń aqparattyq habarlamasynda.
Beısenbi kúni bıznesmen Alısher Ýsmanov óziniń Reseı fýtbol odaǵyna ıtalıan mamany aldyndaǵy qaryzyn óteýi úshin 400 mln. rýbl somasynda jeńildetilgen kredıt bólgenin málimdedi.
Eske sala keteıik, Reseı sport mınıstri Vıtalıı Mýtko bıznesmen Alısher Ýsmanovtyń Reseı fýtbol odaǵyna ulttyq qurama komandanyń bas jattyqtyrýshysyna tóleý úshin 400 mln. rýbl kóleminde jeńildetilgen maqsatty kredıt beretinin rasqa shyǵarǵan bolatyn.
RFO-nyń fýtboldan ulttyq qurama bas jattyqtyrýshysy Fabıo Kapello men onyń jattyqtyrýshylar shtaby aldynda jınalyp qalǵan qaryzy shamamen 600 mln. rýbldi quraıdy. Bul somaǵa ıtalıan mamanynyń ózi men quramanyń bas menedjeri Orest Chınkvınıdi yntalandyrý sharasy da kiredi. Olardyń jalaqy almaǵandaryna jarty jyldan asqan.
Damır Qojamqul.
Derek, foto: Argýmenty ı fakty.