ASTANA. 7 aqpan. Aýyr atlet Ilıa Ilınniń jeke jattyqtyrýshysy Qazaqstannyń erler arasyndaǵy quramasyn basqaratyn boldy. Bul týraly vesti.kz habarlady.
Búgin, 6 aqpan kúni Qazaqstan quramasynyń jattyqtyrýshylar shtabynda kadrlyq aýys-túıister oryn aldy. Olııpııalyq oıyndardyń eki dúrkin chempıony Ilıa Ilınniń jeke jattyqtyrýshysy Erjas Bóltaev aýyr atletıkadan Qazaqstannyń erler arasyndaǵy quramasy tizginin ustady.
Qazaqstan Aýyr atletıkasy federasııasynyń jyl saıynǵy dástúrli konferensııasy birqatar kadrlyq ózgerister jasaýǵa alyp bardy. Bul aýys-túıister jóninde Qazaqstan quramasynyń bas jattyqtyrýshysy Alekseı Nı aıtyp berdi. Osylaısha Erjas Bóltaev erler arasyndaǵy komandaǵa basshy bolǵan. Ol munda Vılorıı Pakty almastyrdy. Al Pak áıelder quramasyna basshy bolyp bardy. Buǵan deıin qyzdar aýyr atletıkasyn basqaryp kelgen Ivan Sıvohın endi ǵylymı-keshendi jumyspen aınalysady.
Federasııa sondaı-aq 2015 jyly Qaraǵandy, О́skemen jáne Pavlodar qalalaryndaǵy mektep-ınternattar janynan aýyr atletıka bólimin ashýdy josparlap otyr.
Damır Qojamqul.
Derek, foto: vesti.kz.